::"User Guide" in Life:: دليل المستخدم فى الحياه

طرأت على بالى فكرة غريبة ، وممكن تكون مستحيله ، وغالبا ماينفعش تبقى موجودة، بس كنوع من الفانتازيا

اكيد انتوا عارفين ان اى حاجة انت بتروح تشتريها بيبقى معاها حاجة اسمها "دليل المستخدم" أو بالانجليزية "User Guide " أو كتالوج بيبقى فية كل حاجة عن الشئ اللى انت اشتريته اى حاجة يعنى.

طيب دلوقتى لو الواحد لو تخيل ان لو الانسان دة نازل معاه كتالوج او User Guide ياترى حيبقى فية اية؟

بمعنى كل مولود يتولد نازل معاه الكتالوج بتاعه.

ياترى لما تبص على صفحة الدليل اللى هيه بتكون اول صفحة على الشمال من الكتالوج حيبقى فيها اية الحاجات اللى بيتكلم عليها الكتالوج؟

دة حيبقى كتالوجك فى الحياه... حلوة كتالوجك دى... المهم

دلوقتى عايز تتخيل معايا وتقول لى يبقى فية ايه الكتالوج؟

أسيبكم تفكرو وفى انتظار ردودكم

::امتى حتكتب قصة نجاحك؟::

امتى حتكتب قصة نجاحك؟ امتى تلاقى الناس يحكوا حكايه نجاحك وتفوقك؟ امتى حتكتب كتاب سيرتك الذاتية؟ امتى تحس انك ناجح وبتدوق طعم النجاح؟ مش نفسك تبقى ناجح او مشهور او قدوة لاصحابك وزمايلك؟ مش عايز يبقى اهلك واصحابك فخورين بيك؟

طيب انت ناوى تعمل اية عشان كل دة يحصل؟ ناوى تقعد قدام الكمبيوتر والنت وبس.... بص مادام ماعندكش همة او ماعندكش حماس لأنك تعمل اى حاجة مش حتعمل... انما لو حاطط الموضوع فى دماغك واحاسيسك ومشاعرك كلها تجاه الموضوع او الفكرة اللى انت عايزها دى وتوكلت على الله وصدقت النية حتلاقى ربنا بيساعدك وبيوفقك.
ساعات بتبقى تعبان وزهقان وقرفان ومالكش نفس فى حاجة تعملها، ماتسيبش نفسك كدة، لازم تبقى مدرك لتصرفاتك واعمالك اللى بتعملها فى كل يوم وفى كل ساعة وفى كل دقيقة وثانية من يومك، انت حياتك دى ملك مين؟
حياتك دى ملك لله وحدة، انما انت ليك حقوق على نفسك لازم توفيها ، ماتسيبش نفسك كدة بص لنفسك كويس انت راضى عن نفسك كدة، هل انت محدد هدف لنفسك ولحياتك ودنيتك واخرتك؟ انت عايز من نفسك اية؟ دور بنفسك جوة نفسك حتعرف انت مين وفين ولية.

امتى حتفوق وتبتدى يبقى ليك اسم بين اصدقائك واصحابك وجيرانك؟ امتى تحس انك تستحق ان الناس يقدروك ويحترموك ومشهور مابين الناس باعمالك او بعلمك او باخلاقك او باى شئ، من دلوقتى ومن قبل ما تكون حاجة كبيرة ، انت دلوقتى خلاص بقيت مشهور اقنع نفسك بكدة خلاص وخليك واثق فى نفسك وفى قدراتك هوة انت لسة حتستنى تفكر التفكير دة بعد عشر سنين او عشرين سنة.؟
انت من دلوقتى خلاص مشهور وعندك علم واخلاق واعمال الناس بيتحاكوا عنها... الموضوع مش بعدين الموضوع دة تعمله دلوقتى وتقنع بية نفسك خلاص دة امر واقع واتصرف بتصرفات اى راجل مشهور ومعروف مش واحد لسة بيبتدى حياته.
اقنع نفسك ان دى مسأله وقت لكن انت خلاص اصبحت هذا الشخص اللى انت عايز تكون عليه، حسألك نفس السؤال تانى، امتى حتكتب قصة نجاحك؟؟؟!!!!!

تحقيق::مع جمعية فجر النهضة::نشر بموقع صناع نت 2007

أقدم اليكم هذا التحقيق الذى قمت بعملة منذ حوالى سنتين مع احدى الجمعيات الخيرية ، يتناول التحقيق شنطة رمضان التى كانت تعدها الجمعية من خلال حملتها على الانترنت لتحقيق نحو مليون شنطة فى رمضان توزع على الاحياء الفقيرة فى الاسكندرية. واليكم التحقيق كما نشر.

خبر لم يعلن عنه بخصوص انفلونزا الخنازير

خبر هام:: فى اطار تطورات انتشار انفلونزا الخنازير قامت وزارة الصحة باعلان حالة الطوارئ على الانترنت بعد ان تم اكتشاف حالات عدوى من جراء استخدام الماسينجر والفيسبوك.... حيث اعلنت وزارة الصحة الخطر الذى يصيب المستخدمين من جراء الاصابة بالفيروس من خلال التعامل مع الكونتاكس contacts على الماسينجر ، واساليب الوقاية من هذا الفيروس عبر الانترنت اعلنتة وزارة الصحة فى تقرير رسمى افاد التأكد من ان المستخدم للماسينجر والانترنت وخاصة الماسينجر لا يعانى من اى رشح او عطس او حرارة حتى لا يقوم بعدوى كل الكونتكس على الماسينجر، وعمل سكان على الجهاز كل 10 ايام بانتى فايروس المعروف Norton Flu Antivirus .

وفى محاولة جادة لأحتواء الفايروس H1N1 عبر اجهزة الكمبيوتر قامت منظمة الصحة العالمية بتنزيل تحديث عبر موقعها على الانترنت للاجهزة العاملة على انظمة ويندوز ولينوكس، حيث يمكنك تنزيل " الكمامة" وهو الاسم الذى استخدمتة منظمة الصحة العالمية للتعريف بالمصل الجديد الخاص باجهزة الكمبيوتر على الانترنت.
فبرجاء من جميع الاعضاء وضع "الكمامة" عند استخدام الفيسبوك حيث يعتبر اكبر تجمع بشرى على الانترنت وفقا لاحصائيات الموقع الشهير "جوجل".

::Working Areas::Business Profile::

Fields Of Work:

1- Freelancer Accountant.
2- Accounting Information System Instructor.
3- Inforamtion Security Expert.
4- Information Economy Expert.
5- Technical Researcher.
6- Technical Writer.
7- NLP Certified Trainer.
8- Soft Skils Trainer.
9- Senior Professional Service.
10- Special Photographer.

Education:

- Bsc. Of Commerce - Ain Shams University
- Professional Diploma in Accoutning & Finance - AUC
- Inforamtion Technology & Business Management Diploma - Ain Shams University
- Master in Business Administration - London Business School
- Phd. in Information Economy.

::الهوية الشخصية::

حاولت اعرف نفسى وافهم هيه اية وانا مين؟ وحاولت اعرف هويتى فى العالم دة فوجدت التالى:

لقيت انى جزء من تصنيف "الخلق" على وجة الكرة الارضية بالأخص " الثدييات"، فهناك:

1- النباتات

2- الحيوانات

3-الطيور

4- الانسان "بنى ادم"

لقيت فيًا كبنى ادم اربعة أشياء خلقت معى وهى:
1- الجسد
2- الروح
3- النفس
4- العقل

ووجدت بعد كدة الاتى:

1- ذكر

2-مسلم

3- سنى

4- مذهب الشافعى

5- أفريقى

6- عربى

7- مصرى

8- قاهرى

9- مستوى اجتماعى متوسط

10- جامعى

11- محاسبي

::الحياه بعد الموت على الانترنت::

غريبة ان فى حد يفكر كدة.... وحتستغربوا وتقولوا اية اللى بيقوله دة؟

بس الموضوع دة أخد جزء من تفكيرى كبير..... مش عارف لية بس إكمن الواحد اتعامل مع الانترنت اكثر من 8 سنين وإكمن الواحد كان لية نشاطات كتير على الانترنت من مواقع وشات وتعارف على اصدقاء من خلال شبكة الانترنت.... فمين حيبلغهم بموتى؟ ماحدش

طب صحيح هوة انا مين عشان الناس تفتكرنى؟ ولية يفتكرونى اساسا؟ عملت لهم اية يعنى؟

مش عارف بس الواحد لما يموت مين حيدخل على الماسينجر بدالك؟ ومين حيبعت للناس كلها انك توفيت؟

انا محتاج الانترنت عشان انا عايز ثواب ودعاء من كل الناس أكثر وأكثر بعد ما اموت وقبل ما اموت.

أكيد لو عملت موضوع فى منتدى عشان افيد ناس فى معلومة مثلا تخص المحاسبة او الكمبيوتر او علم النفس او اي شئ اخر باكون باسيب صدقة جارية لي.

كل حياتى مرتبطة بالانترنت، انا عايزها تستمر بعد موتي، عشان كدة عملت الموقع دة برضة عشان كل حاجة باعملها تبقى لله وتفيد الناس اللى بيزوروا الموقع، عشان كدة حتلاقى فى حد حيدخل على الموقع دة وحيعرف نفسة ويعلن خبر وفاتى على الانترنت.

وحيكتب العزاء سيكون بانهى مسجد، وامانة على كل الناس اللى دخلت على موقعى انها تدعيلى او تصلى عليا فى المسجد.

وتنشر كل حرف وكل جملة وكل صفحة وكتاب عملتة على الانترنت فى كل المواقع ، وكل ما حتنشر كل كلمة انت حتاخد ثواب النشر زي ما انا حاخد الثواب برضة.... هذا الموقع صدقة جارية واريدها ان تستمر باذن الله بكل ما فيها من كتب ومقالات وابحاث.

وعايز يوصلنى ادعيتكم وصلاوتكم عليا بالرحمة والمغفرة من خلال ردودكم فى الكومينتات.

والله المستعان

تاريخ الانترنت: فكرة عسكرية ثم تعليم ثم تجارة ثم للافراد

تاريخ الانترنت: فكرة عسكرية ثم تعليم ثم تجارة ثم للافراد
http://www.kenanaonline.com/blog/64044/page/1


الانترنت اصلا منذ البداية كان فكرة حكومية عسكرية أمريكية
ثم امتدت الى قطاعات أخرى لتخدمها مثل قطاع التعليم والتجارة حتى اصبحت فى متناول الافراد.
واليكم بعض الحقائق فى صورة ارقام استعرضها حتى يعلم الجميع ان الانترنت من الوارد جدا ان الذى يديرة أكبر الكيانات العسكرية بامريكا ولك أن تسبح فى افكارك وتعرف من هى اكبر منشأه عسكرية فى امريكا.
أو من الوارد ايضا ان تكون المؤسسات العسكرية بامريكا من ضمن الشركات او المنشأت المشتركة الاساسية فى ادارة الانترنت بشكل اساسى.

1. فى سنة 1957 اطلق الاتحاد السوفيتى أول قمر صناعى ويدعى Sputnik , وردت عليها الولايات المتحدة بتأسيس وكاله مشروع الابحاث المتطوره ARPA أختصارا الى Advance Research Project Agency) وهذا بتمويل من وزارة الدفاع الامريكية, وهذا الموقع الخاص بهذة الوكاله لتتعرف أكثر عليها وعلى نشاطها http://www.darpa.mil
2. فى سنة 1967 قام رجل يدعى Lawrence Roberts بعمل اول ورقة تصميم عن ARPA net تقنية شبكات الكمبيوتر وكيفية ربط الانواع المختلفة للشبكات فى شبكة واحدة تجمعهم وعرض الفكرة على ARPA's Primary Investigators بالوكاله , للاطلاع يرجى زيارة الصفحة التالية : http://www.dei.isep.ipp.pt/docs/arpa--1.html
3. فى سنة 1969 تم تأسيس فكرة لورانس بعمل ARPA net بتمويل من وزارة الدفاع لاجراء البحوث عن الشبكات وتم انشاء اربعة مفاصل nodes لبناء الشبكة.
4. قامت جامعة هاواى بتأسيس شبكة ALOHA NET بالتعاون مع الوكاله الابحاث المتطورة ARPA وكان تقنية الربط بين الكمبيوترات عن طريق Point To Point
5. فى عام 1973 كان اول اتصال وربط دولى مع ARPAnet وذلك مع جامعة كلية لندن University college of london
6. فى عام 1975 قامت شركة BBN وهى مؤسسة تعمل على الابحاث والاختراعات التكنولوجية واللتى لجأت الوكاله ARPANET للتعاون معها حيث قامت بتطوير بروتوكول TELNET واعدت اول نسخة تجارية لــ ARPAnet , ويمكنك التعرف على هذة المنشأه واختراعتها وما قامت بة من دور كبير فى انشاء الانترنت بالصورة على ما عليها الان وذلك من خلال موقعها http://www.bbn.com
7. يمكنك من خلال هذا الرابط التعرف على بروتوكول TCP/IP وهى اللغه الرسمية للانترنت والذى قامت باعدادة Defense Advanced Research Projects Agency فى سنة 1982ليتضح ان البروتوكول المتحكم بالانترنتمن صنع وكاله الدفاع لمشروع الابحاث المتطورة
8. بعد طرح النسخة التجارية لــ ARPAnet قامت France Telecome بطرح شبكة TELETEL و Minitel وسرعان ما انتشرت فى فرنسا
9. وفى عام 1982 قامت شركة EUnet بتقديم خدمة البريد الالكترونى ومجموعات الاخبار newsgroup وبدأ مصطلح الانترنت يستخدم لأول مرة, وفى عام 1983 قامت جامعة ويسكنسن بتطوير ما يسمى Name Server.
10. فى عام 1984 تم تطوير DNS أو ما يسمى Domain Name Server وتجاوز عدد النظم المضيفة ما يقرب من 1000 جهاز, و فى عام 1987 تجاوز عدد النظم المضيفة 10000 جهاز
11. أتحاد شركات IBM و MERIT و MCI لتكوين شركة ANS والتى قامت بتقوية اتصالات الشبكة وأجهزتها ثم فتح الخدمة فى الدول الحليفه لأمريكا.
12. فى سنة 1989 تم تكوين وحدة مهندسى الانترنت IETF ( The Internet Engineering Task Force ) أو وحدة باحثى الانترنت وهى تشكل أكبر تجمع عالمى من مصممين الشبكات ووكلاء ومراكز أبحاث ومنظمات تقنية وحكومات تهتم بتطوير ثورة وهندسة الانترنت من برامج ومعدات وأجهزة وبروتوكولات, ويمكن لأى فرد الانضمام اليها وموقعها على الانترنت http://www.ietf.org.
13. فى سنة 1990 نشأ أول برنامج بحثى على الانترنت يمكنك من طباعة اسم ملف تبحث عنة للبحث عن هذا الملف فى الانترنت. http://www.webopedia.com/TERM/A/Archie.html
14. أرتبطت كل من استراليا وايطاليا, المانيا, اسرائيل, اليابان, المكسيك, هولندا بشبكة NSFnet واللتى حلت محل شبكة ARPAnet http://www.webopedia.com/TERM/N/NSFnet.html
15. فى سنة 1991 ارتبطت أول دولة عربية بالانترنت وهى تونس, وفى نفس العام نشأت WWW وهو WORLD WIDE WEB وال WAIS و GOPHER وفى سنة 1992 انضمت الكويت الى شبكة الانترنت
16. فى سنة 1993 ارتبط كل من البنك الدولى والبيت الابيض والامم المتحدة بالانترنت ومن ثم مصر والامارات, وسنة 1994 ارتبطت لبنان والمغرب بالانترنت
هذا استعراض لما حدث من تطور للانترنت وكلة كان بتمويل من وزارة الدفاع الامريكية, وهذا كان أحدى البرامج اللتى تعمل عليها وزارة الدفاع لتطويرها.
ولا أخفى عليك أمر أخر انة يوجد ما هو ابشع من ذلك تمولة وزارة الدفاع الامريكية
وهو نظام ايكيلون
أكبر نظام تجسس عالمى بواسطة الاقمار الصناعية ومراكز ارضية تتجسس على الارض باكملها سمائها وارضها ... من ضمنها على سبيل انواع التجسس هى التجسس على التليفونات الارضية والمحمولة والفاكس وكل وسائل الاتصالات بل بامكانها قرائه ارقام لوحة السيارة اللتى تركبها وسوف استعرضة مرة أخرى فى هذا المنتدى.
ولكن يجب اعادة السؤال مرة اخرى.... من يدير الانترنت؟
أقرب شئ يمكنة وصفة هو وجود ما يشبة سلطة ادارية للانترنت وهى جمعية الانترنت ISOC (INTERNET SOCIETY) وهى جمعية غير ربحية لاعضاء متطوعين يقومون بتسهيل ودعم التطور والنمو الفنى والتقنى للانترنت http://www.isoc.org/
وهناك ما يسمى العمود الفقرى للانترنت وهو الجزء الرئيسى للشبكة الانترنت الذى ترتبط بة الاجهزة الاخرى والشبكات الاخرى.... لذلك عند ارسال المعلومات تمر المعلومة على العمود الفقرى للانترنت وذلك من خلال الشبكة الوسطى للانترنت وهى شبكة العبور واللتى تربط الشبكة الجذرية بالعمود الفقرى للانترنت, اى تقوم بربط المناطق الجغرافية بالعمود الفقرى للانترنت.
وتقوم الشبكة الجذرية وهى المستوى الثالث من الانترنت بربط شبكات المؤسسات والمعاهد بشبكات المناطق الجغرافية فى المستوى المتوسط والذى يسمح لهم بالدخول على العمود الفقرى للانترنت, ولا أحد يقوم بتمويل كل ذلك بل أن كل شركة مسئولة عن تمويلها بنفسها.
هذا كان توضيح ماهى الانترنت؟ ومن يتحكم بها؟ وما هى تصميمها؟




الكاتب: أحمد رفيق
نشر بموقع كنانة اونلاين

::أخيرا بقالكم صوت عربى على اكبر موقع أجنبى لتعليم المحاسبة::

بفضل الله تم تعيين مشرف عام على أكبر منتدي أجنبى مجانى على الانترنت خاص بتعليم المحاسبة والمحاسبين

الف مبروك للجميع

http://www.opentuition.com/

سلسلة::حاسب وراك محاسب::دليلك لتعرف دليلك كمحاسب

هوة مين اللى جبرك تدخل المجال دة يا منعم؟ انت حابب المجال دة ولا هوة على راى المثل: " ايش جبرك على المر الا الأمًر منة".

بص يابنى الحلال فى الحالتين انت دخلت برجليك، واللى متقدر هوة اللى حيكون، بس انا عايز أقول لك على شوية حاجات كدة عشان تظبط نفسك.

كتير اوى قدروا يحققوا فيها مراكز قوية ورواتب محترمة وقيمة علمية كبيرة، وناس تانية ماعرفتش تحقق اللى حققة الاخرين.

وعلى فكرة كلهم كانوا زيك كدة يا اما دخلوها وهما راضيين او مش راضيين لكن ممكن بحاجات بسيطة كدة تظبط نفسك وشوية مجهود تبقى فلة شمعة منورة.

حنتفق على شوية حاجات هيه دى لو عملتها خطوة خطوة حتعلق على عربيتك بحق يافطة " حاسب وراك محاسب".

ابتدى بقى معاك:

1-"دة انجليزى دة يا مرسى؟" من اولها كدة الانجليزى بتاعك لازم تظبطة، تشوفلك كورسات تسمع لك اغانى اجنبى تذاكر مع نفسك شرايط فيديو تعليمية، وتدور بقى انا مش حاشوف لك كمان واقول لك اتفضل لحد عندك وفى الاخر تركنة وتنسى.

فلو انت عايز فعلا تكمل الموضوع دة على خير لازم تعرف انك حتتعب شوية معلش.

2- (" نحو" أمية الكمبيوتر) طبعا ماحدش يفهم غلط بس يعنى المقصود انك تعرف فى الكمبيوتر، يعنى الويندوز، يعنى الدوس، يعنى الاوفيس، الاوفيس الكبير، يعنى قطع الجهاز، وسمعنى احلى سلام لمايكروسوفت، اللي رافعة راس شباب مصر، بشهادات وحركات جامدة، يعنى اليونيسكو، اللى بيمسى على ICDL ، يعنى شهادة، شهادة معتمدة، يعنى بتقول انك بتعرف تسوق الكمبيوتر كويس، بتعرف تسوق؟ طب معاك رخصة؟ هيه دى الرخصة اللى انت محتاج تشيلها معاك........ رخصك بقى لوسمحت واركن على جنب.

3- ( أوعى يغرك جسمك) اوعى تفتكر انك بالانجليزى والكمبيوتر بقيت الواد اللى محصلتش، فى زيك كتير دلوقتى عارفين الاثنين، وكلة بيشترى كمبيوتر وبيتعلم انجليزى وبياخد كورسات، مش دى القضية دلوقتى. من الأخر بقى روح ارمى نفسك فى اى مكتب محاسبة حتى لو كان مش حيديك فلوس حتى لو بدوام جزئى، اقبل اى حاجة البلد مافيهاش شغل الايام دى والأزمة العالمية دلوقتى طايلة الكل، بدل ماتجيلك شغلانة تبهدلك، روح الى اللى انت عايزة وانت رايحة برجليك وعارف انت رايحة لية، مكاتب المحاسبة فى البلد كتير، ابتدى دور حوليك فى المنطقة وظبط نفسك.

4- (انا مبسوط كدة، انا مرتاح كدة) يا سلام ما اجمل انى اكون عارف لغة وكمبيوتر وباشتغل فى مكتب محاسبة كبير او صغير.

ابوس ايدى وش وظهر، لو سمحت سمعنا سكاتك شوية، انت بتقول اية؟ يا بابا انت عقبال ما اتعلمتلك الشوية اللى انت عرفتهم دول العالم جرى كتير واتقدم كتير وفى حاجات ظهرت جديدة، انت عقبال ما تاخد خطوة بيكون الناس التانية دول اخدوا ستين خطوة. انت فين بقى بالنسبة للناس التانية دول؟

الشغل دلوقتى محتاج مهارات، وأكثر مهارتين مطلوبين دلوقتى فى مصر طبقا لاحصائيات مركز دعم المعلومات واتخاذ القرار هما: مهارات الاتصال ومهارات التفاوض.....

أكيد انت نفسك محتاج مهارات خاصة مافيش قدامك غير يا اما تاخد برضة كورسات فى المهارات Soft Skills او تقعد تقرا فى النت فى مقالات كتير اوى عن الحاجات دى ودروس صوتية وفيديو كتير جدا.

5- ( البكالوريوس مابيأكاش عيش) لازم تعرف ان شهادة البكالوريوس دى اللى معاك مابتنفعش ببصلة دلوقتى فى اى حتة، ماينفعش تشتغل بس وانت معاك بكالوريوس، دة لو انت عايز تشتغل فى حتة كويسة ومحترمة، بص لازم تعمل تعمل دراسات عليا او دبلومة فى تخصص المحاسبة، او كورسات فى المحاسبة المتقدمة... لازم تبتدى على طول تحضر وتجهز ليها.

لو مش عاجبك التخصص الاكاديمى دة يبقى عليك وعلى الشهادات المهنية زى CMA,CPA,CIA,CFA,CFM .

ومافيش مانع تجمع بين الاثنين الدرجة الاكاديمية والشهادة المهنية وعلى فكرة دة التوجة الجديد فى العالم انة يكون معاك جزء اكاديمى وجزء مهنى.

6- ( حتكسب دايما ماتقلقش) ياعينى عليك لما تبقى بقى واد لعيب، عارف محاسبة وعارف كمبيوتر ومش بس كمان انجليزى لأ تبقى عارف بقى تستخدم البرامج المحاسبية المشهورة، شوية QuickBooks على PeachTree على Tally تبقى كدة زى العسل.

فى حتلاقى على النت البرامج نفسها وشرحها فيديو وكتابة، وفى دورات ليها برضة كويسة جدا.

يا سلام برضة لو تعرف تصمم نظام محاسبة برضة على الاكسيل، Computrized Accounting تبقى فاهم الاكسيل تستخدمة ازاى فى المحاسبة... اه ثم اه تبقى جامد طحن، ماتقلقش كلة حتلاقية على النت وفى مراكز تدريب، ماتقولش اجيبة منين.

7- ( انت كدة واصل، ناقص لك زرار) حلو جدا انك بقيت متمكن من نفسك كدة، يعجبنى فيك مثابرتك على انك تكمل قراءة الموضوع دة.

شوف بقى انت وصلت فين دلوقتى وعملت كام خطوة، حتلاقى برضة الدنيا اتطورت بسرعة وفى حاجات جديدة بتحصل فى العالم.

لازم على فكرة تبقى موصول على طول باخر المستجدات فى مجالك.

يعنى دلوقتى بقوا يستغنوا عن البرامج المحاسبية ويحطوا فى شركاتهم برامج أكثر تطور من هذة البرامج زى: Oracle E-Business

وايضا Microsoft Dynamics Great Plains / Axapta أو Sage أو People Soft أو SAP.

دى برامج كلها بتسمى حلول الاعمال ERP، ودى عشان الشركات الكبيرة ومميزاتها محتاجة لعرض كبير بس دة زى ما بيقولوا "التطور الطبيعى للحاجة الساقعة" او بمعنى اخر التطور الطبيعى للانظمة المحاسبية.

8- ( قوانينك يا معلم ).... انت راجل بقيت فاهم، خد دى فى ودنك بقى وماتقولهاش لحد، بلدك بتاعة قوانين صح، شوف اية القوانين اللى بتحكم شغلتك، اية القوانين اللى شغالين بيها فى البيزنس يعنى مثلا:

*اية المانع تبدأ تقرا دستور بلدك.

* معايير المحاسبة والمراجعة المصرية

* معايير المحاسبة والمراجعة الدولية

* قانون العمل

* قانون التامينات الاجتماعية

* قانون الضريبة على الدخل

* قانون ضرائب المرتبات والمبيعات

* القانون التجارى

*قانون الهيئة العامة للاستثمار

* قانون سوق المال

كدة انت تبقى واد أدرجى وعايز اقول لك حتبقى راجل مش بس محاسب لأ مستشار، لأن اللى بيعرف فى الحاجات دى بس من غير اى حاجة تانية بيبقى معدى من الاخر ومتظبط. ظبط نفسك ووقتك وابتدى اقرا فى حاجة حاجة كدة على رواقة بدل ما ييجى وقت وتحتاج تفهمهم وتقراهم فى وقت زنقة.

9- (محاسب عربى؟ أطلع برة) أوعى تكون خلى بالك مابتعرفش المحاسبة بالانجليزى؟ أزعل منك ، مش معقولة تبقى انت بتعرف انجليزى ومش عارف جميع مصطلحات المحاسبة بالانجليزى ، ظبط كام كتاب او قاموس انجليزى عشان تعرف اية المصطلحات بالانجليزي. دى خطوة جامد موت.

10- ( سوق لنفسك) ابتدى بقى اعمل لك سيرة ذاتية محترمة بالانجليزى عنك وعن تعليمك وخبراتك وشهاداتك وهكذا.

وقوم بتحضير الاسئلة الانترفيو اللى ممكن يتعمل لك فى اى وقت، وتكون مجهزها بالاجابات عشان برضة تحفظ الاجابات.

11-( اللابتوب) ابتدى بقى دور على لابتوب محترم عشان شغلك كل حيبقى علية، الف مبروك حتبقى راجل استشارى.

12-اعداد سى دى Accountant cd بة كل ما يلزم من " عقد محاسب" ، "أسطوانة بها فايلات اكسيل تساعدك فى التحليل المالى او فى عمل نظام محاسبى لاى شركة.

كدة يبقى انت فريكيكو....سلام يا باشا.

"I Have The Right To Stay On This Planet"

I have the right to stay on this planet….!!!!
This word sound so strange and you may say "What do you mean of that?"
Ok, I will tell you the story, but you have to know first that there's no room for you on this planet.

"What are you saying? I didn't understand anything, Please be obvious, and what are u talking about? Are u nuts or something?"
Please be calm, please walk with me step by step, and don't think that I am nuts, and u will find that all my words is true.

You know that our planet has become overcrowded with people, suppose that one day the united nation has decided to remove all "Unnecessary" people from this planet and keep only the necessary ones. So the UN began conducting interviews asking people "Why should we keep you on this planet? Give us a reason to keep you on earth.”
So what would you say? I can imagine the answers now, someone will tell me I am just alive, and don’t care about what you saying, He may be right, but what if it happens? What is the word that you will say to the commitment?
Do u will say that I can compose ringtones on mobile phones? Or you have the latest version of Nokia cell phones? They don’t mean what you have but they mean what is your role in life? How can you help the people in the world? What can you give to the humanity? What skills you have to utilize it and implement in others life?
Stay a moment of silent and tell yourself, what is the last valuable thing I made through the past year? What are the things that have been achieved and you are proud of it? These moments of truth with yourself will make a different in your life.
These moments of silence will tell you where you stand for? And will tell you the main role in your life.

Did u now that you are a significant and valuable person in the world?
You are created by Allah, so you have to know that have a lot of skills you don’t use it, so try to discover yourself, and know yourself well, and try to develop your abilities and skills by reading books and attend training programs.
You can change yourself to the best and the best you deserve.
So don’t waste time and start now.
By reading this article you make the first step toward change.
So go forward and move on now and starts plan your life.
Live with love and peace, and appreciate the value of life.

مقال منشور بموقع كنانة اونلاين::برامج تدس السم فى العسل::

::برامج تدس السم فى العسل::
http://www.kenanaonline.com/blog/64042/page/1


هذا الموضوع فى غاية الاهمية
فربما تستعملون أحدى البرامج الشهيرة والمحببة لديكم لتشغيل ملفات ما
أو تستعملون برامج تحميكم من التروجانات.... أو برامج تمنع الاختراق... وأنتم تستخدموها بحسن
نية ولا تدرون ماذا يصيبكم أو يصيب أجهزتكم
على سبيل المثال: برنامج Real Player والذى تستخدموة لتشغيل نوع الملفات ram للموسيقى والاغانى , وربما هو البرنامج الوحيد الذى يشغل هذة النوعية من الملفات
ولكن لم تلاحظوا اتفاقية الاستخدام الخاصة بهذة البرامج واللتى تتيح التجسس على كل شئ بالكمبيوتر من ايميلات وتحركات بالماوس والكيبورد و كلما السر وأكثر من هذا
لعلكم تندهشون عند قراءة ذلك الموضوع
مثل ما كنت مندهش مثلكم
حيث يكون من ضمن ملفات setup ملف تجسس يقوم بمعرفة كل ما يدور فى كمبيوترك
وهنا أوضحت معنى برامج تدس السم فى العسل
كل معلوماتك متاحة على الانترنت الان بفضل هذة البرامج اللتى تأمنها وتطمئن لها
ولكن السؤال هنا :اذا ماذا يستفيد اصحاب هذة البرامج من معرفة معلوماتك؟
هل فكرت فى ذلك؟
أجاوبك بأن معلوماتك هذة تباع وأضعها بين قوسين وأكررها ( معلوماتك تباع ) لصالح شركات أخرى
وما هى هذة الشركات اللتى تريد معلوماتك وتشتريها من صناع البرامج الامنة أو التى تأمن لها؟
أجاوبك بكل بساطة: هذة الشركات تشترى معلوماتك لغرض واحد فقط وهو التسويق لمنتجاتها.
تستغرب الان وتقول وكيف ذلك؟
أقول لك ما يحدث الان: معلوماتك تباع لعدة شركات وليست شركة واحدة وتبيعها طبعا الشركة المصنعة للبرامج الامنة وعادة ما تكون هذة البرامج مجانية وليست بنقود.
ومن ثم تقوم الشركة المصنعة للبرامج هذة بتحديد أهتماماتك والمواقع اللتى تحب أن تطلع عليها
وتطلع على عاداتك الشرائية والمواقع اللتى تحب أن تدخل عليها , وكل ذلك تم طبعا من خلال الملف التجسس الصغير الذى تم زرعة فى الكمبيوتر.
ثم تصنف أهتماماتك, أذا كانتك مثلا اهتماماتك البحث عن البرامج الجديدة, تبيع معلوماتك الى شركات الخاصة بتصنيع البرامج... وعادة ما تكون برامج تجسسية أيضا.... بعد أن تصل اليها هذة المعلومات الخاصة بك تقوم ببث مواد اعلانية على ايميلك أو نوافذ تلقائية POP UP WINDOW
تعرض بها منتجات الشركات حتى تنجذب اليها وسرعان ما تدخل الى هذة المواقع واللتى عادة ابضا تكون غير موثوق بها وتحتوى على ملفات تجسس ايضا...
ومن ثم تبدأ رحله جديدة لمعلوماتك تباع لشركات أخرى.... فستجد الشركات اللتى اشترت معلوماتك هذة تقوم ببيعها الى شركات أخرى وهكذا حلقة دائة ومستمرة..... وتنشأ مشكلة Spam وأمتلاء البريد الالكرتونى بالاعلانات المزعجة... وطبعا مشكلة النوافذ الاعلانية الكثيرة اللتى تتعرض لها كل ما تفتح نافذة جديدة.
هذا كان على سبيل المثال والتوضيح وكل على حسب أهتمامة وماذا يتصفح والمعلومات الموجودة على جهازة.
فبأى البرامج نثق؟
وبأى البرامج لا نثق؟
هل يقوم الشباب العربى بعمل برامج نأتمن لها اسرارنا فى عالم اصبحت المعلومات تباع وتشترى؟
هل ينهض الشباب العربى بعمل نهضة فى مجال تكنولوجيا المعلومات وأنجاز برامج قادرة على تأميننا من كل هذة المخاطر؟
متى نقوم بعمل برامج عربية تحل محل البرامج الاجنبية؟
ولكن يبقى أمل
الموضوع لم ينتهى بعد أنتظر
ماأحضرتة هنا هو المفاجأة
ولعلها تكون اضعف الايمان
أضع بين أيديكم كل البرامج اللتى نستخدمها واللتى تحتوى على برامج تجسسية ذات نفسها وتتدعى أنها تحميكم وتحمى أجهزتكم من ملفات النتجسس
ما أدهشنى برنامج AD_Aware البرنامج الخاص بازاله ملفات التجسس
هوة نفسة يحتوى على ملف تجسس
أترككم تكملون القراءة والاستمتاع بهذة القائمه من البرامج اللتى تدس السم فى العسل
الكاتب: أحمد رفيق
نشر بموقع كنانة اونلاين
http://www.kenanaonline.com/ws/rafiko

تحقيق الكترونى نشر بمجلة عمرو خالد الالكترونية على الانترنت:: عدد يونيو2005

هذا تحقيق الكترونى قمت بعملة من فترة بعيدة بمجلة عمرو خالد الالكترونية اضعة بين ايديكم هنا لتقرؤة وفى انتظار ارائكم.

http://www.amrkhaled.net/

.

::تم نشر مقالة" انت فين فى الدنيا" فى مجلة بحلقة::نعدكم بالمزيد

فى البداية اود ان أشكر الاستاذ / كريم الشيخ على قبولى ان اكتب بالمجلة واشكر طاقم ادارة المجلة والموقع واتمنى لهم جميعا التوفيق والنجاح.... وهذة المقالة نشرت بتاريخ 9 يناير سنة 2009 بالمجلة.

وهذا هو رابط المقالة على مجلة بحلقة من هنا.

فى انتظار ارائكم وتعليقاتكم على المقالة.

كتاب: محمد الرسول: صلى الله علية وسلم: حمل الأن

أضع هذا العمل المتواضيع والبسيط والذى شارك في إعدادة فريق عمل مجموعة صناع نت حيث كان كل فرد فيهم يهتم كثيرا بخروج هذا العمل الى النور ، وبفضل الله تم الانتهاء من هذا الكتاب الذى يحوى سيرة الرسول صلى الله علية وسلم، حيث شاركت شخصيا فى هذا العمل حتى خرج بهذا الشكل، ونقول هذا أقل شئ نفعلة لك يا رسول الله، ردا على الرسوم المسيئة من الدنمارك وردا على كل من اساء اليك يا رسول الله يا اكرم الخلق واشرف انسان.

نهدى هذا العمل الى كل مسلم ومسلمة ، نهدى هذا العمل الى كل من كان يريد ان يعمل شيئا لرسول الله ، هذا ما يمكن ان تقدمة عبر ارسالك ونشرك لهذا الكتاب.

أشكر كل من عمل على انتاج هذا الكتاب واخراجة بهذة الصورة الطيبة.

أترككم مع الكتاب ولا تنسوا النشر للأجر

تحميل الكتاب

::البحث عن الذات::

بدأت معكم منذ فترة ليست بالبعيدة موضوع "كيف نبدأ الحياه"، والخص لكم هذا الموضوع فى سطور قليلة.

نلخص الموضوع فى كلمتين: من أنا؟ من أكون؟وماذا افعل فى هذة الدنيا؟

هذة الكلمات هى كلمات الفطرة اللى فطر الله الناس عليها، فعلية ان يعرف نفسة وقيمتة ودورة فى هذة الحياه.

بسم الله الرحمن الرحيم"أفحسبتم اننا خلقناكم عبثا" وفى اية اخرى " ولقد كرمنا بنى أدم وحملناهم فى البر والبحر"

وفى اية اخرى " واذ قال ربك للملائكة انى جاعل فى الارض خليفة"، وبهذه الايات يتضح ان للانسان دور فى هذة الحياه ولة رسالة علية ان يحملها وهى الامانة التى عرضها الله على السموات والارض فلم تستطع ان تحملها وحملها الانسان.

بسم الله الرحمن الرحيم: "انا عرضنا الامانة على السموات والارض والجبال فأبينا ان يحملها وأشفقنا منها وحملها الانسان" صدق الله العظيم.
ولهذا كان على الانسان ان يبحث عن رسالتة فى هذة الحياه، فكان ولابد ان يعرف ذاتة ونفسة ويكتشفها.

رحلة البحث عن الذات يعتقد البعض انها رحلة طويلة، ولكنها لا تحتاج الى لحظات فقط ووقفة مع النفس.

ففى خضم وسرعة الحياه لابد ان ترجع الى الخلف خطوة واحدة لتنظر الى نفسك وذاتك والتى ستدفعك وتجعلك فى اول السباق.

واستعرض معكم مقتطفات من كتاب " البحث عن الذات" للرئيس المصرى الراحل محمد انور السادات.

فاذا ادركنا ان بمعرفة الذات يتحقق النجاح والسلام الداخلى سيتحقق لنا النجاح الخارجى. ولهذا فلابد من لحظات صادقة مع النفس لادراك من هو خالقها وخلق الكون والنبات، فى هذة اللحظات ستعرف معنى الحب وستحب كل شئ من حولك، وستكون كل تصرفاتك وافعالك مبنية على الحب، ستعرف معنى حب الله لنا فستحب كل شئ خلقة الله لنا فى هذا الكون الذى سخرة الله لنا.

وبفضل الله اهتديت الى كل هذا من قبل ان اقرأ حرف واحد من اى كتاب يتحدث عن الذات، لأن هذة الطبيعة والفطرة فينا، وهذة الفطرة تقول ان هناك شئ أكبر ننتمنى الية، الذي يشعرنا بالراحة والطمأنينة وعدم الخوف من المستقبل والايمان بكل ما هو مقدر لنا فى هذة الحياه.

نصل الى مرحلة التناغم مع كل المخلوقات ومع الكون ومع البشر فلا يكون هناك الا الحب والخير، وهذا ما وصل الية السادات فى كتابة، والذى اتمنى ان نصل الية جميعا.

ولهذا يقول الله فى كتابة العزيز: " ان الله لا يغير ما بقوم حتى يغيروا ما بانفسهم" ، وعلية فان تغيير النفس الى" النفس المطمئنة" لن يأتى الا باكتشاف هذة النفس والتعرف عليها.

ان الانسان عبارة عن عقل وجسم وروح، ولهذا اننا نركز هنا على الروح والتى قال عنها الله فى كتابة" فنفخنا فية من روحنا".

وقد كانت التجربة الفعلية لى عندما حلقت لارى نفسى من فوق، هذة اللحظة التى مازلت اذكرها عندما تكون فى حالة فوق الجسد والعقل.

لحظة تكون فيها طائر محلق ترى فيها حقيقة الاشياء جميعا، وفى هذة اللحظه تكون فى حالة ذهنية صافية لم اشعر مثلها من قبل.

تركيز عالى شديد وصفاء ذهنى وحالة من التوحد مع الكون تصعب الكلمات وصفها، فلابد ان تقوم بالتجربة ستغير مفهومك فى الحياه وكيف عليك ان تعيشها، ستتغير تصرفاتك وطباعك وتظهر قدرات لا تعلم عنها شيئا، ستدرك حقيقة نفسك وخالقك وتقربك من الله ويزداد الجانب الروحانى لديك ويزيد معاها قربك من الله تعالى.

بعد ذلك تبدأ مرحلة المعرفة والثقافة والتى تأتى بان تعرف كل شئ عن نفسك وتاريخك.

أتمنى اكون اوضحت الصورة من خلال هذا الموضوع البسيط.